Македонија нема друга алтернатива освен членството во НАТО и Европската Унија, истакна лидерот на ДУИ Али Ахмети на денешното новогодишно обраќање во хотелот „Александар Палас“ пред членството на партијата. По најавите за формирање трета партија на Албанците во Македонија, Ахмети рече дека организирањето трета партија на Албанците во Македонија е многу штетно, зашто се прави поделба и се распарчува гласот на Албанците. Ахмети го повика СДСМ да се врати во Парламентот, онака како што направила опозицијата во Албанија.
