Министерот за одбрана Зоран Јолевски денеска на отворената седница на Владата информираше дека за професионалните војници кои поради возраста го изгубиле својот статус се спроведуваат два проекти за вработување и оти се во тек работите за проектот „АРМ мој вистински дом“.
Во однос на вработувањето професионални војници, министерот за одбрана рече дека е изработен правилник за селекција со цел да се добијат најквалитетни професионални војници.
- За нови професионални војници структурирани се две групи со по 125 војници кои ќе бидат вработени идната година. Изработен е правилник за селекција, процесот ќе трае околу 3 месеци и планираме првата група од 125 до крајот на март почеток на април да биде завршена, рече Јолевски.