Високата претставничка на Европската унија за надворешна и безбедносна политика Федерика Могерини денеска најави дека во јануари ќе ги повика српскиот и косовскиот премиер на нов состанок, додавајќи оти нормализацијата на односите меѓу Белград и Приштина останува приоритет за ЕУ. Таа ова го кажа по состанокот со првиот потпретседател на косовската Влада и министерот за надворешни работи Хашим Тачи во Брисел.