Рускиот претседател Владимир Путин денеска ќе ја одржи годишната прес конференција, еден од настаните кои имаат за цел да го портретираат како силен лидер и чувар на земјата. Оваа година се очекува тој да ги смирува страхувањата поради големиот пад на вредноста на рубљата и загриженоста за руската економија која е погодена од западните санкции. Американскиот државен секретар Џон Кери деновиве изјави дека санкциите би можело да бидат симнати за неколку недели или денови, во зависност од натамошните одлуки на Путин.