Пакистанскиот премиер Наваз Шариф денеска го укина мораториумот за смртна казна за случаи поврзани со тероризам, еден ден откако талибански напаѓачи масакрираа 132 ученици и деветмина наставници во градот Пешавар во северозападен Пакистан. Во земјата од денеска е прогласена тридневна жалост за жртвите од масакрот. Пакистан воведе мораториум за извршување на смртната казна во 2008 година.