Американскиот државен секретар Џон Кери во Рим се сретна со рускиот министер за надворешни работи Сергеј Лавров. Притоа Лавров побарал итна акција за спречување на влошувањето на ситуацијата меѓу Израел и Палестинците. Руската страна ја најави и можноста да ја искаже нејзината загриженост за законот што е усвоен во Конгресот а со кој се дозволува американска помош во оружје за Украина, како и нови санкции против Русија. Кери по Рим заминува за Париз на разговори со министрите за надворешни работи на Европската унија, Франција, Германија и Британија. Утре Кери во Лондон ќе разговара со палестински и арапски претставници.