ОН соопштија дека наредната година ќе им требаат 16,4 милијарди долари за помош на 57 милиони најзагрозени луѓе на светот. Тоа е рекордно барање за хуманитарна помош на ОН, со оглед на тоа што лани бараа 13 милијарди долари. Најголемиот дел од оние на кои им е потребна помош живеат во земји погодени од конфликт.
„Се соочуваме со потреби од невидени размери“, рече денеска шефицата за хуманитарни работи на ОН, Валери Амос на прес-конференција во Женева.
ОН бараат 2,8 милијарди долари за помош на раселените од конфликтот во Сирија и уште 3,25 милијарди долари за помош на сириските бегалци во соседните држави.