Во неколку американски градови синоќа продолжија протестите по убиството со гушење на еден невооружен афроамериканец од страна на бел полицаец во Њујорк. Демонстрации биле забележани во Вашингтон, Чикаго и Њујорк поради одлуката на големата порота да не го обвини полицаецот Даниел Панталео за смртта на Ерик Гарнер. Пред две недели иста одлука донесе и големата порота на Фергусон, Мисури каде што бел полицаец застрела едно невооружено момче.