Украинскиот парламент ја изгласа новата влада на премиерот Арсениј Јацењук. Петте проевропски партии што ја формираат владината коалиција се обврзаа на обемна програма за реформи на земјата. Јацењук е премиер од февруари годинава, откако прорускиот претседател Виктор Јанукович беше соборен од власт. Во владата има и тројца странци кои претходно добија украинско државјанство. Министерка за финансии е Американката Наталија Јарешко која претходно работеше во Стејт департментот, литванскиот инвестициски банкар Аиварас Абромавициус е избран за министер за економија, а поранешниот грузиски министер за здравство Александар Квиташвили сега е на истата позиција во Украина.
