Британскиот премиер Дејвид Камерон денеска ќе го објави најавуваниот план за ограничување на имиграцијата од Европската унија. Камерон е под притисок да преземе поцврсти мерки во врска со ова прашање со оглед на националните избори кои треба да се одржат за шест месеци. Повеќето од неговата Конзервативна партија страхуваат од порастот на популарноста на антиевропската Независна партија која овој месец доби уште едно место во парламентот.