Американската војска соопшти дека во изминативе два дена извршила 17 воздушни напади врз позиции на милитантите на Исламската држава во Ирак и Сирија. Прецизирано е дека десетина напади биле извршени во близина на Кобани, сириски град на границата со Турција каде што курдските борци веќе неколку месеци го бранат градот од милитантите. Другите воздушни напади биле изведени во близина на Киркук и во западната ирачка провинција Анбар.
