Државениот испит има за цел да го унапреди квалитетот на виското образование и да се стави крај на појавата на купени дипломи, изјави вечерва премиерот Никола Груевски во интервју за Дневникот на ТВ Сител.
Тој појасни дека екстерно тестирање во виското образование не се планира и нема да има, а она што се разгледува е воведување државен испит.
Следно што е значајно, според него, е дека овој испит ќе започне од следната учебна година и ќе ги зафати студентите што тогаш ќе се запишат
Според него, политиката е таа што ги вади студентите на улица.
Премиерот Груевски изјави дека Поглаварот на ИВЗ се постави како партиски и политички, а не верски лидер.
Поглавартот во неговата колумна ги навреди чувствата на Македонци со муслиманска вероисповед, изјави премиерот Груевски, нарекувајќи ја колумната голема грешка.
Тој изјави дека наспроти негативната кампања и некаква „бомба“ со која СДСМ се заканува, Владата е фокусирана на решавање на проблемите на граѓаните и на реформите.
Ние работиме друг тип на бомби. Еве спремаме една бомбичка, но позитивна со која ќе решиме долгогодишен проблем на илјадници луѓе во Македонија. рече вечерва Груевски