Шпанските законодавци побараа од нивната влада да ја признае Палестина како држава, иако само откако палестинците и израелците ќе се договорат за решение на долготрајниот конфликт. Симболичниот чекор беше поддржан од сите политички партии во долниот дом на парламентот. Слично гласање во минатиот месец имаше и во парламентите на Британија и Ирска. До гласањето во Шпанија дојде само неколку часа откако двајца палестинци во една синагога во Ерусалим убиле четворица евреи пред да бидат убиени од полицијата.
