Законот за почеток на изградбата на контроверзниот нафтовод познат како „Кистон ИксЕл“ не доби поддршка од американскиот Сенат. Нафтоводот на Транс Канада корпорацијата во вредност од 8 милијарди долари за транспорт на сурова нафта од Канада до Мексиканскиот залив беше критикуван од екологистите. Против овој проект се изјасни и американскиот претседател Барак Обама. Ова прашање како и прашањето за имиграцијата, е главна тема на последните денови од овој Конгрес пред почетокот на работата на новиот состав на Сенатот во јануари кој ќе биде под контрола на републиканците.
