Новоизбраниот романски претседател Клаус Јоханис денеска изјави дека неговата партија може да се обиде да ја собори Владата на премиерот Виктор Понта, веќе следната година, една година пред редовните парламентарни избори во 2016 година, пренесоа британските медиуми. Јоханис изјавата ја даде во својство на лидер на Национално-либералната партија.
Британските медиуми посочуваат дека тоа е првичен знак за политичката нестабилност во Романија, која може да следува од неговата изненадувачка победа над Понта на неделните претседателски избори.