Радикалната исламистичка група Хамас ја презеде одговорноста за нападот со автомобил на пешаци во Ерусалим кој се случи денеска. Возачот со својот автомобил удрил во група израелски гранични полицајци и други луѓе, а потоа излегол од колата и почнал да ги удира луѓето со метална шипка. Пред да биде застрелан од полицијата тој убил еден граничен полицаец и повредил 12 луѓе.
Полицијата го нарече инцидентот терористички напад.
Пред две недели во таа област исто така маж удри во толпа луѓе, убивајќи една жена и нејзиното бебе .