Либиски воен брод бил погоден за време на жестоката битка меѓу армијата и исламските милитанти во Бенгази, на либискиот брег на Медитеранот. Новинските агенции јавуваат дека во битката биле вклучени авиони и тенкови. Според некои извештаи, извесен број либиски бродови биле потопени. Битката е дел од поширокиот конфликт во Либија каде што поранешните бунтовници кои помогнаа за отстранување на диктаторот Моамер Гадафи во 2011 година се борат за власт и за контрола врз трговијата со нафта.
