Историскиот напис над вратата во поранешниот нацистички концентрационен логор Дахау бил украден. Станува збор за нацистичкиот цинички слоган „Работата ве ослободува“. Дахау се наоѓа во близина на Минхен и беше првиот концентарционен логор изграден од нацистите во 1933 година. Таму беа затворени над 200 илјади луѓе од цела Европа, а 40 илјади од нив умреле пред логорот да биде ослободен од американските сили во април 1945 година.