Иранските власти соопштија дека 130 луѓе се хоспитализирани во градот Захедан, откако вдишале токсичен гас. Властите исто така соопштија дека повеќе од 100 училишта се затворени денеска во покраината Систан-Балучистан. Околу 60 од хоспитализираните се ученици. Затруените имале проблеми со дишењето, главоболка, вртоглавица и повраќање. Гувернерот на градот, ја отфрли можноста за саботажа на градот, кој се наоѓа во близина на границата со Пакистан и Авганистан. Според него еден работник е притворен заради тоа што испуштил пестициди во канали во кои имало отпадни води, по што настанала хемиска реакција.