Шефот за надворешна политика на ЕУ, Кетрин Ештон изјави дека Советот за надворешни работи на ЕУ денеска ќе се состане за да дискутираат за тоа до каде е прекинот на огнот во источна Украина и за можната ревизија на санкциите кон Русија. Ештон изјави дека Советот ќе се состане за да ја анализира ситуација и да одлучи кои ќе бидат следните чекори. Состанокот ќе се одржи во Луксембург. Претходно од ЕУ соопштија дека исполнувањето на одредбите од договорот за прекин на огнот од 5 септември и воспоставувањето на стабилност во источна Украина се главните фактори кои ќе придонесат за делумно или целосно олеснување на санкциите кон Русија.