Комунистичката партија на Кина денеска одржува клучен состанок посветен на владеење на правото, јавуваат кинеските медиуми. Четвртиот пленум на владејачката Комунистичка партија, во кој се вклучени Централниот комитет и претставници од водечките државни агенции е отворен денеска во Пекинг. Според државниот „Чајна дејли“, пленумот е посветен на почитување на законот на највисоко ниво и промоција на социјална правда за земјата. Весникот пишува дека ќе се зборува и за тоа дека мора да биде отстранет менталитетот на обожување на владини и партиски функционери. Средбата доаѓа во време на масовни демонстрации во Хонг Конг.
