Ирачките власти воведоа полициски час во градот Рамади, во обид да го забават напредувањето на милитантите од Исламската држава. Полицискиот час започнал на полноќ за да се ограничи движењето во и надвор од градот.
Милитантите напредуват кон Рамади во последните неколку недели и покрај воздушните напади на коалицијата предводена од САД. Одлуката за воведување полициски час дојде откако разузнавачката служба на Ирак добила информации дека милитантите подготвуваат напади на безбедносните сили и на цивили во Рамади. Рамади се наоѓа на околу 100 километри западно од Багдад.