Лидерот на Хонг Конг, Леунг Чун Јинг, соопшти дека повторно им понудил разговор на лидерите на студентите кои протестираат неколку недели. Тој рече дека оваа покана им била испратена на студентите преку трети лица. Неговата покана за средба доаѓа еден ден по објавувањето на видео на кое се гледа како полицијата тепа демонстранти. Како одговор на видеото многу луѓе излегоа на протести синоќа. Демонстрантите, главно студенти, бараат изборни реформи.
