Министрите за одбрана на Јадранската повелба во усвоената заедничка изјава по вчерашниот состанок во Будва ја реафирмираа силната поддршка за Македонија за членство во НАТО што е можно поскоро. Министрите го поздравија и напредокот на Црна Гора во нејзините реформи за евро-атлантската интеграција, како и аспирациите на Босна и Херцеговина за членство во НАТО. На состанокот учествуваше и македонскиот министер за одбрана Љупчо Јолевски кој изјавил дека Македонија се залага за проширување и продлабочување на регионалната соработка со практични проекти и поддршка за земјите од Регионот.
