Бугарскиот претседател Росен Плевнелиев ќе ја закаже конститутивната седница на новоизбраното Народно собрание на Бугарија за 27 октомври, соопшти денеска Кабинетот на шефот на бугарската држава.
Ваквата одлука е донесена по денешната двочасовна средба на Плевнелиев со претставници на парламентарните политички партии.
Според Плевнелиев, пред Собранието има многу итни задачи за извршување и пратениците треба да се подготват добро за тоа, за да се постигне консензус за избор на раковдство на Парламентот и да се подготви правилник за работа.