Лавров - западните санкции не носат мир во Украина

Рускиот министер за надворешни работи Сергеј Лавров изјави дека западните санкции кон Москва не помагаат за решавање на кризата во Украина. Лавров, говорејќи на состанок на Асоцијацијата на европски бизниси, рече дека санкциите не придонесуваат за нормализирање на состојбите во Укриана. Според него санкциите се штетни и незаконски и ќе ја чинат Европа околу 40 милијарди евра оваа година и околу 50 милијарди евра следната година, притоа не објаснувајќи ја основата за овие прогнози. Лавров рече дека Русија жали за нарушувањето на односите со Европската унија.