Претседателот на ДУИ, Али Ахмети денеска во седиштето на партијата во Тетово се сретна со амбасадорот на Грција во Македонија Харис Лалакос. Соговорниците на средбата разговарале за односите меѓу Скопје и Атина, случувањата во земјите од Западен Балкан и евроатланските интеграции. Во соопштението од ДУИ се вели дека Ахмети побарал поголемо вклучување на меѓународната заедница за посредување меѓу Скопје и Атина, за да се постигне компромис.
Грчкиот амбасадор истакнал дека надворешната политика на Грција се базира на интегрирањето на соседите во НАТО и ЕУ и овој принцип останува непроменет и додал дека за да се постигне ова мора да се надмине прашањето за името.