Руската рубља денеска падна на ново рекордно најниско ниво во однос на доларот, на почетокот на тргувањето во Москва, јавија руските агенции. Американскиот долар се менува за над 40 руски рубљи за прв пат. Руската валута опаѓа постојано во последните три месеци поради заострувањето на санкциите од САД и ЕУ против Москва, поради руската улога во конфликтот во Украина.
За еден долар на почетокот на јули се купуваа 34 рубљи, а официјалниот курс на 4 октомври падна на 39,70 рубљи за долар.
