Руските власти соопштија дека започнале истрага против украинскиот министер за одбрана и други високи воени претставници. Портпаролот на рускиот Истражен комитет, Владимир Маркин, рече дека военото раководство на Украина, меѓу кои и министерот за одбрана, се соочуваат со обвиненија за геноцид и воени злосторства.
На 29 септември, Русија ги обвини украинските воени и политички лидери за извршување „геноцид“ против луѓето кои зборуват на руски јазик во источна Украина.
Украинските власти ги отфрлија обвинувањата и возвратија со тоа што и тие отворија кривична истрага против функционери на рускиот Истражен комитет.
