Рускиот парламентарен комитет планира да го бојкотира состанокот на Руско – Американскиот бизнис совет, кој е предвиден за наредниот месец во Соединетите Држави. Рускиот весник Известија, повикувајки се на висок претставник на парламентот, наведува дека состанокот, закажан за 14-ти октомври, ќе биде откажан. Ваквата одлука била донесена врз основа на препораката од руското министерство за надворешни работи, а како одговор на санкциите на Вашингтон против Москва.
