Четириесет и девет луѓе се полесно повредени при денешното превртување на автобус број 67 на ЈСП Скопје на влезот во Драчево. Повредените биле пренесени во болниците низ Скопје, а поголемиот број од нив се пуштени на домашно лекување.
Автобус број 67 на Јавното сообраќајно претпријатие-Скопје кој сообраќаа на линијата од Транспортен Центар - Зелениково се преврте изутрината во 6:10 часот на ул. „Драчевска“. Екипи на СВР-Скопје вршат увид на местото на настанот и ги утврдат причините за несреќата.