Претседателот на Европската комисија Жозе Мануел Баросо оцени дека шкотското отфрлање на независноста од Обединетото кралство ќе помогне во градењето на обеденета, отворена и силна Европска унија. Тој најави дека Комисијата ќе продолжи да се ангажира во дијалогот со шкотската влада во областите кои се под нејзина надлежност како вработувањето и животната средина. Претседателот на Европскиот совет Херман Ван Ромпуј, поздравувајќи ја одлукта на Шкотска наведува дека Велика Британија останува важна членка на Европската унија.