Попладнево Скопје го зафати силно невреме со пороен дожд проследен со град.
Поради обилните врнежи од дожд дојде до застој во сообраќајот во делови во градот. Според УХМР, доцна попладнево и во вечерните часови ќе биде нестабилно со пороен дожд и со грмежи.
И во државата се очекува попладне облачноста да се зголеми и најпрво во западните делови ќе има развој на нестабилна облачност со пороен дожд и со грмежи.
Во вечерните часови врнежите ќе се прошират и на останатите делови од земјата.