Новинските агенции јавуваат дека изутрината било забалежано артилериско гранатирање во близина на градот Мариупол. До ова дојде на само неколку часа пред преговорите за можен прекин на огнот што треба да се одржат во Минск. Украинските сили соопштија дека и во текот на изминатата ноќ неколку пати биле цел на напади. Посматрачите на ОБСЕ вчера јавија за жестоки борби во две села источно од градот Мариупол, стратегиско важно пристаниште западно од руската граница со Украина.
