Претседателот на Казахстан Нурсултан Назарбаев изјави дека натамошна ескалација на кризата во Украина ќе ја загрози економијата на неговата земја. Говорејќи во парламентот, тој рече дека санкциите и трговските рестрикции предизвикани од украинската криза ќе го спречат економскиот раст на казахстанските партнери, меѓу кои е и Русија и оти тоа на крајот ќе ја погоди и економијата во земјата. Назарбаев истакна дека меѓусебните санкции на земјите кои произведуваат околу 60 насто од глобалниот БДП ќе водат кон сериозни промени на постојните економски односи и светскиот поредок.
Казахстан, Русија и Белорусија се партнери во Царинска Унија и имаат согласност да формираат Евроазиска економска унија, која е предвидено да почне да функционира во јануари.