Организацијата за човекови права Амнести интернејшнал, во извештајот објавен денеска, наведува дека милитантите на Исламската држава се виновни за „систематско етничко чистење“ во северен Ирак, односно за „воени злосторства“.
„Масакрите и киднапирањата извршени од Исламската држава обезбедуваат ужасни нови докази дека бранот на етничко чистење против малцинствата се шири низ северен Ирак“, се наведува во извештајот.