Иранскиот претседател Хасан Рохани ја осуди последната рунда на западните санкции против Исламската република. Соединетите Држави најавија дека ќе воведат нови санкции против повеќе од 25 ирански правни и физички лица кои Вашингтон го обвини за низа прекршувања - вклучувајќи проширување на иранските нуклеарни активности, избегнување санкции и поддршка на тероризмот во регионот. Шест ирански банки, авиокомпании и истражувачки институт се меѓу санкционираните. Во своето денешно обраќање Рохани ги нарече санкциите угнетување.
"Санкцијата е угнетување и агресија и ние треба да застанеме против оваа агресија, треба да го сузбиеме агресорот и да не дозволиме санкциите да се одржуваат и да се повторуваат", изјави Рохани.
Западните земји се сомневаат дека Иран скришно произведува нуклеарно оружје заедно со својата цивилна програма, обвинение коешто Техеран постојано го негира.