На денешната панел дискусија во Берлин беше донесен заклучок дека земјите од Балканот треба да бидат поунифицирани, покоординирани во делот на економијата и да настапат со заедничка стратегија за да бидат поатрактивни како пазар.
Панел дискусијата е организирана од германското Министерство за економија во рамки на Самитот Германија – ЕУ – Западен Балкан, на која присуствуваа и вицепремиерот за економски прашања, Владимир Пешевски и министерот за економија, Беким Незири. Политичкиот дел од самитот кој се одржува на иницијатива на германската канцеларка Ангела Меркел ќе се одржи попладне.