Митрополитот Дебарско-кичевски Тимотеј изјави денеска дека одлуката на Српската православна црква нема никакво значење за Македонската православна црква и нема никаква важност во Македонија. СПЦ вчера соопшти дека ќе поведе црковно-судска постапка против поглаварот на МПЦ г.г. Стефан.
Тимотеј нагласи дека Македонската православна црква во 1959 година ја доби својата самостојност и се издвои од српската црква и со тоа сите одлуки на СПЦ немаат никаква важност во земјава.