Израелската војска соопшти дека три ракети биле истрелани од Појасот Газа со што било нарушено привременото примирје. Според војската, ракетите завршиле во близина на јужниот град Биршеба. Израелските власти веднаш и наредиле на војската да одговори на нападот. Израел започна офанзива против милитантите од Хамас на 8 јули со цел да се запрат ракетните напади од Газа.
Израелските и палестинските преговарачи вчера се согласија за продолжување на прекинот на огнот за уште 24 часа за да продолжат разговорите за постигнување трајно примирје.