Иранските власти, кои беа клучниот сојузник на досегашниот ирачки премиер Нури ал Малики соопштија дека ја поддржуваат номинацијата на Хаидар ал Абади за функцијата. Според нив, ирачкиот Устав налага идниот премиер да биде избран од мнозинската група во Парламентот. Малики, кој е од шиитската заедница имаше поддршка од иранските власти, но во последно време тие соопштуваа дека не веруваат оти тој може да ја одржи земјата во целина.
