Соединетите држави по воздушен пат им доставија храна и вода на илјадници Ирачани кои се кријат во планините од исламските милитанти. Акцијата уследи на неколку часа откако американските сили го започнаа вториот бран воздушни напади против милитантите во северен Ирак.
Американскиот претседател Барак Обама одобри воздушни напади врз Ирак за заштита на воениот и дипломатски персонал во северниот град Ирбил и да се спречи потенцијалниот геноцид против религиозните малцинства.
