Генералниот секретар на НАТО, Андерс Фог Расмусен пристигна во Киев. Тој на твитер напиша дека само што слетал во главниот град на Украина, со цел да и понуди поддршка на земјата и на претседателот Петро Порошенко. Украинското министерство за надворешни работи претходно соопшти дека посетата е од витално значење и дека е доказ оти Алијансата го поддржува европскиот пат на земјата.