Светската здравствена организација сооошти дека бројката на починати од ебола во западна Африка се зголемила на 932 лица. Нигерија, која е најнаселената земја на континентот соопшти дека се појавиле пет нови случаи на ебола, при што починало и второ лице од болеста.
Шпанија испрати медицински опремен авион во Либерија за да го пренесе до земјата шпанскиот свештеник кој е инфициран од болеста. Саудиските власти соопштија дека еден нивен државјанин кој заболил од ебола за време на патувањето во Сиера Леоне починал од срцев удар.