Бугарскиот претседател Росен Плевнелиев денеска ја именува новата техничка влада на Бугарија. Владата ќе раководи со земјата до завршувањето на предвремените парламентарни избори предвидени закажани за во октомври.
За премиер е именуван Георги Близнашки, а владата ќе има четворица вицепремиери. Екатерина Захариева ќе биде вицепремиер за економска политика и министер за регионален развој и министер за инвестиционо проектирање, Јордан Христосков вицепремиер за социјална политика и министер за труд и социјална политика, Христо Иванов е вицепремиер за правда, внатрешни работи и безбедност и министер за правда, додека Илијана Цанова е вицепремиер задолжен за управување со средствата од ЕУ. Според Плевнелиев, секој од избраните има докажан углед и успех постигнат со лични квалитети и сопствен труд.