ОБСЕ соопшти дека меѓународните експерти денеска по втор пат се на местото каде што падна авионот МХ 17 во регионот од источна Украина што е контролиран од сепаратистите. Мисијата на ОБСЕ во земјата во писменото соопштение наведува дека 70 холандски и австралиски експерти се придружувани и од осум набљудувачи на организацијата.
Тие со себе имаат и специјално обучени кучиња кои треба да им помогнат да ги откријат преостанатите тела на жртвите од авионската несреќа на малезискиот авион што се случи на 17 јули, а во која загинаа сите 298 луѓе што беа во леталото.