Тимот меѓународни инспектори ги откажа плановите за посета на местото каде што падна малезискиот авион во Украина поради борбите меѓу проруските бунтовници и украинската војска. Александар Хаг, заменик шеф на мисијата на ОБСЕ која ја надгледуваше ситуацијата во Украина, рече дека имале индикации оти таму имало борби и дека ситуацијата изгледала небезбедна. Претходно имаше извештаи дека холандските и австралиските експерти меѓу кои и полицајци ќе одат до местото на несреќата откако беше постигнат договор меѓу ОБСЕ и лидерите на сепаратистите.