Авионот на Ер Алжир кој исчезна денеска за време на летот од Буркина Фасо до Алжир се урнал, соопшти претставник на алжирската авијација. Тој не даде дополнителни детали каде и која била причината за несреќата.
Алжирскиот премиер Абдел Малек изјави дека во авионот имало 119 патници и членови на екипажот. Според него, контактот со авионот бил загубен додека летал врз јужниот дел на Нигер. Меѓу жртвите има Алжирци и странски државјани.