Полскиот претседател Бронислав Коморовски изјави денеска дека руско-украинскиот конфликт е еден од најважните безбедносни предизвици со кои се соочува Европа по студената војна. Според него, под прашање во конфликтот не е само сувереноста на Украина, туку и креидбилитетот на европскиот ред кој е базиран на принципите на почитување на територијалниот интегритет. Говорејќи на средбата на земјите членки на НАТО од централна и источна Европа тој нагласи дека зајакнувањето на нивните односи е од фундаментално значење.