Башар ал Асад положи свечена заклетва за неговиот трет, седумгодишен мандат како претседател на Сирија, откако победи на изборите во минатиот месец, за кои опозицијата и западните сојузници оценија дека биле фарса. Церемонијата се одржа во Дамаск, а според официјалните резултати Асад освои 88,7 проценти од гласовите. Но, гласањето не се одржа во региони каде се водат борби или кои се под контрола на опозициските сили или исламските милитанти.
